Taramundi ye un conceyu asitiáu nel occidente asturianu, con una superficie pindia pero que nun
sube de los mil metros, tando'l so puntu de mayor altor nel monte Ouroso, de 1.033 metros. Tien una estensión de 82,16 km² y llenda al Norte con A Veiga y Santiso d'Abres, al Este con Vilanova d'Ozcos y tamién con A Veiga, al Sur con Santalla d'Ozcos y Lugo y con Lugo, otra vuelta, pol Oeste.
Viven en Taramundi 733 persones (359 homes y 374 muyeres), lo que fai una densidá de población de 8,9 hab/km². El principal noyu de población ye la villa de Taramundi, capital del conceyu, con 219 habitantes.
La hestoria del conceyu ye escura pa la dómina medieval. Formó parte del conceyu episcopal de Castropol, hasta que la desamortización de Felipe II de 1579 favorez la compra de les parroquies de Samartín de Taramundi y de San Xulián d'Oria polos habitantes del territoriu, pal añu 1584, siendo aconceyaos los vecinos en xunu d'esi añu pa escoyer tres rexidores (un d'Oria y dos de Taramundi) y aprobar les primeres lleis del conceyu (ordenances dalgunes que tuvieron vixencia hasta 1783.
El Decretu 120/2010 del 15 de setiembre, asoleyáu nel BOPA númberu 228 del vienres 1 d'ochobre oficializó l'usu de les formes toponímiques tradicionales pal conceyu, siendo estes recoyíes nel ANEXU a la mesma espublicación.
Taramundi tien cuatro parroquies:
| NOMES | SUPERFICIE | POBLACIÓN |
| Bres | 22,76 | 14,88 |
| Ouria | 9,77 | 95 |
| Taramundi | 26,38 | 431 |
| As Veigas | 23,25 | 74 |
Mapa parroquial del conceyu de Taramundi, dixebráu en colores
No hay comentarios:
Publicar un comentario