Pezós ye un conceyu del occidente asturianu, con una superficie de 38,97 km² de tarrén abruptu
pero de menor altor que los que lu alrodien, nun pasando de los 800 metros menos nel puntu de mayor altor, el Cornomandil, de 856. Llenda al Norte con Eilao, al Este con Ayande, al Sur con Grandas de Salime y al Oeste con Samartín d'Ozcos.
Esti conceyu ye'l segundu menos pobláu d'Asturies, colos sos 184 habitantes (88 homes y 96 muyeres), lo que fai una densidá de población de 5,05 hab/km². El principal nucleu del conceyu ye la villa de Pezós, que tien 52 habitantes y la capital.
El documentu (posiblemente falsu) pol cual el rei Alfonso VII dona unos territorios ente'l Navia y l'Eo al obispu d'Uviéu, ye'l primeru que menciona'l territoriu de Pezós. Seya como fuere, la Edá Media del conceyu tará carauterizada pol predominiu eclesiásticu uvieín, que se caltendrá hasta 1579, cuando la desamortización de Felipe II fadrá qu'estes tierres seyan espropiaes y vendíes a Alonso de Navia Bolaño, primero, y, énte les protestes y el recursu de la población, al pueblu de Pezós, dempués, en 1585; momentu cuando se constitúi'l conceyu, aprobándose les primeres lleis y ordenances municipales, que nun camudaríen hasta'l 1779 pa da-y mayor protagonismu al pueblu.
El Decretu 30/2007 del 29 de marzu, asoleyáu nel BOPA númberu 90 del xueves 19 d'abril oficializó les formes toponímiques tradicionales del conceyu, que quedaron fixaes nel ANEXU al mesmu.
Pezós ye uniparroquial, nomándose esta igual que'l conceyu:
| NOME | SUPERFICIE | POBLACIÓN |
| Pezós | 38,97 | 184 |
No hay comentarios:
Publicar un comentario