Degaña ye un conceyu asitiáu nel suroccidente del país, con una superficie mui montañosa, por
alcontrase en plenu cordal cantábricu, siendo'l puntu de mayor altor el picu Beigardón, de 1.934 metros. La so estensión llega a los 87,16 km². Llenda al Norte con Cangas del Narcea, al Este y al Sur con Lleón y al Oeste con Ibias.
Tien una población de 1.223 persones (644 homes y 57 9 muyeres), con una densidá de 14,05 hab/km². El noyu más pobláu ye la villa de Zarréu, con 830 habitantes, mientres que la villa de Degaña, la capital, tien 220.
La hestoria de Degaña ta vinculada a la de la comarca lleonesa de Ḷḷaciana, puesto que los territorios qu'anguaño componen el conceyu asturianu quedaron integraos nel lleonés pola Carta Puebla que recibiera nel sieglu XIII de manes del rei Alfonso X. Por embargu, estos cotos de Degaña y Zarréu pasaron por delles manes señoriales, como les families Quiñones y Queipo de Llano. Al suprimise los señoríos xurisdiccionales a principios de la dómina del XIX, pasen a formar parte d'Ibias, pero la actividá conceyil facíase al marxe y, en 1863, acaba por costituyise como conceyu independiente dafechu, adoptando'l nome de Degaña por ser esti'l noyu de mayor importancia entós.
Degaña tien los topónimos tradicionales asturianos oficiales pal conceyu dende l'aprobación del Decretu 32/2009 del 22 d'abril, espublizaú nel BOPA númberu 108 del vienres 12 de mayu. Nel ANEXU al mesmu vienen les formes aprobaes pola Xunta Asesora de la Toponimia.
Degaña tien tres parroquies:
| NOMES | SUPERFICIE | POBLACIÓN |
| Degaña | 46,64 | 354 |
| Trabáu | 11,94 | 39 |
| Zarréu | 28,58 | 830 |
No hay comentarios:
Publicar un comentario