Ribeseya ye un conceyu de la costa oriental asturiana que s'asitia a dambes veres del estuariu del
riu Seya. El so másimu altor alcuéntrase onde la sierra d'Escapa col picu Mofrechu, de 897 metros. Llenda al Norte col mar Cantábricu; al Este, con Llanes; al Sur, con Cangues y Parres; y al Oeste con Caravia.
Tien una población de 6.301 habitantes (3.001 homes y 3.300 muyeres) y una densidá de población de 74,68 hab/km². La villa de Ribeseya, capital del conceyu, ye'l nucleu más habitáu, con 3.094 persones.
El conceyu ñaz mientres el sieglu XIII, de la carta puebla otorgada pol rei Alfonso X, cola que se creya una villa de gobiernu tuteláu pola corona, al xunir les poblaciones de San Esteban y Meluerda, averaes a dambes orielles de la ría.
En virtú del Decretu 46/2010, de 18 de mayu, la toponimia tradicional asturiana pasa a ser la oficial pal conceyu, como se recueye nel númberu 121 del BOPA, del 27 de mayu d'esi mesmu añu.
Ribeseya tien 9 parroquies:
| NOME | SUPERFICIE | POBLACIÓN |
| Berbes | 2,99 | 95 |
| Collera | 18,81 | 781 |
| Llinares | 14,45 | 136 |
| Moru | 9,39 | 290 |
| Ribeseya [/Ribadesella] | 1,86 | 3.094 |
| Samiguel d'Ucio | 5,06 | 395 |
| San Esteban | 13,54 | 1.214 |
| Santianes del Agua | 14,45 | 139 |
| Xuncu | 3,82 | 157 |
No hay comentarios:
Publicar un comentario