con Cangues, al Sur con Amieva y el Oeste con Piloña y Colunga. Tien una superficie mui montañosa de 126,08 km², col másimu altor nel Picu Pienzu, de 1.159 metros.En Parres viven 5.804 persones (2.847 homes y 2.957 muyeres), con una densidá de población de 46,03 hab/km². La villa de Les Arriondes, na parroquia del mesmu nome, con 2.611 habitantes, ye'l núcleu más pobláu'l conceyu.
El conceyu como tal ñaz nel añu 1827, cuando s'unifiquen los tres cotos señoriales que s'asitiaben nel territoriu dende qu'Alfonso Enríquez perdiera la dignidá de conde y les sos tierres y se creyase'l Principáu d'Asturies. Estos yeren los cotos de Llames de Parres, de Les Arriondes y de Fuentes, quedando esti en manes del pueblu llanu dende que'l rei Felipe II, en 1559, creyara'l cargu de rexidor del conceyu de Parres, que diba corresponder a la familia Nevares.
Dende l'aprobación pol gobiernu'l Principáu del Decretu 112/2009, de 2 de setiembre, la toponimia oficial nel conceyu Parres ye la tradicional, como se recueye nel ANEXU 1 al Decretu espublizáu nel BOPA númberu 213 del llunes 14 de setiembre de 2009.
Parres tien 17 parroquies:
| NOME | SUPERFICIE | POBLACIÓN |
| Les Arriondes | 6,78 | 3.415 |
| Bode | 3,34 | 56 |
| Castiellu | 2,02 | 92 |
| Cayarga | 7,79 | 72 |
| Cofiñu | 7,29 | 95 |
| Fíos | 2,12 | 69 |
| La Güera Deu | 12,85 | 239 |
| Llerandi | 11,13 | 118 |
| Margolles | 3,44 | 29 |
| Los Montes | 4,55 | 35 |
| Nevares | 3,85 | 104 |
| Parres | 16,08 | 410 |
| Pendás | 2,94 | 72 |
| Santitomás | 18,52 | 312 |
| Sorribes | 0,40 | 54 |
| Viabañu | 18,22 | 458 |
| Villanueva | 4,76 | 174 |
No hay comentarios:
Publicar un comentario