El conceyu Piloña alcuéntase na zona centro-oriental del territoriu asturianu y ye un tarrén
pindiu pero d'escasu altor, de valles y sierres, caracterizáu por tar percorríu d'Oeste a Este pol ríu Piloña, que-y da nome y que ye afluente del Seya. Pal Sur atópase'l picu Les Vízcares, de 1420 metros. Tien una superficie 283,89 km², que llinda al Norte con Villaviciosa y Colunga, al Este con Parres, al Sur con Ponga, Casu, Sobrescobiu y Llaviana y al Oeste con Nava y Cabranes.
Tien 7.994 habitantes (3.923 homes y 4.071 muyeres), polo que la densidá de población ta en 28,74 hab/km². El nucleu de población más imporante ye la villa de L'Infiestu, capital del conceyu y na parroquia del mesmu nome, con 2.113 habitantes.
Como se dixo enriba, el conceyu recibe'l nome del ríu Piloña que lu cruza. Por "Pialonia" se cita'l territoriu nel Liber testamntorum en referencia a delles donaciones de la realeza y la nobleza asturiana al Obispáu, mientres los sieglos X y XI. Por otra parte, el conceyu va sintise como tal per primer vegada en 1378, al asistir un representante a la xunta xeneral onde la sala capitular de la see uvieína, pesie a que yá enantes apaecieren formes que falen de personalidá alministrativa propia.
Pol Decretu 66/2008, de 16 de xunetu, la Conseyería de Cultura y Turismu del Principáu d'Asturies disponía los topónimos tradicionales asturianos como oficiales del conceyu, siendo espublizáu nel BOPA númeru 181 de llunes 4 d'agostu del 2008.
Piloña tien 24 parroquies:
| NOMES | SUPERFICIE | POBLACIÓN |
| Anayo | 8,80 | 133 |
| L'Arteosa | 10,11 | 90 |
| Belonciu | 30,12 | 339 |
| Boriñes [/Borines] | 13,04 | 203 |
| Cerecea | 18,01 | 246 |
| Coya | 11,22 | 386 |
| Espinaréu | 47,24 | 170 |
| L'Infiestu [/Infiesto] | 2,62 | 2.662 |
| Lludeña | 5,05 | 63 |
| La Marea | 2,22 | 54 |
| Miyares | 3,95 | 211 |
| Los Montes | 20,95 | 137 |
| Pintueles | 9,80 | 170 |
| Ques | 5,97 | 152 |
| San Román | 7,11 | 234 |
| Santana de Maza | 8,39 | 82 |
| San Xuan de Berbío | 9,52 | 311 |
| Sebares | 14,56 | 917 |
| Sellón | 11,73 | 36 |
| Sorribes | 4,86 | 128 |
| El Tozu | 1,61 | 23 |
| Valle | 10,72 | 354 |
| Vallobal | 1,11 | 31 |
| Villamayor | 25,18 | 862 |
No hay comentarios:
Publicar un comentario