Vamos falar d'estos dos conceyos al empar, poles sos característiques xeográfiques y, sobre too, históriques de comuña territorial que les averen tanto como pa compartir un nome en común.
Y ye que la primer prueba documental onde apaez el nome de Peñamellera féchase p'allá l'añu 1032, cuando'l rei lleonés Bermudu III intercambió delles tierres colos condes Piniolo y Aldonza, recibiendo'l monarca la metá del territoriu que nos interesa anguaño. En seguida dexará de formar parte d'Asturies (anque vinculáu siempre col obispáu uvieín), pasando a ser tierra de realengu de Lleón con Alfonso II (nel sieglu XII). En 1340, el rei casteyanu Alfonso XI aprueba un fueru particular pal Real Valle de Peñamellera pa que nomara a los sos representantes ensin necesidá d'acudir a la Merindá de la Asturies de Santiyana, pesie a que dependiera d'ella y, poro, yá a Castiya. Cuetu altu y cuatu baxo escomiencen entós a diferenciase poles lluches pol poder ente les families más importantes d'ún y otru, resultando una alministración con un xuez noble común y onde cada valle tenía un rexidor y un xuez noble particulares, asentáu n'Abándames, na zona baxa. Mientres la Edá Moderna, el territoriu de Peñamellera forma parte de la Mancomunidá de los Cinco Valles de Burgos, con paréntesis d'independencia, ente 1514 y 1522, y d'inclusión en otres entidaes, como'l Bastón de Laredo (1749) y la provincia de Cantabria (1778). Pesie a les protestes de los vecinos, Peñamellera sedrá incorporada a la provincia d'Uviéu cola división territorial de Javier de Burgos.
Y nun va ser hasta 1869 cuando se separen dambos cuetos, polos problemes de capitalidá esistentes ente Alles (Peñamellera Alta) y Abándames (Peñamellera Baxa), esti últimu nucleu sustiyíu como capital del cuetu baxu en 1890 por Panes, localidá n'alza poblacional nel momentu.
El territoriu de Peñamellera alcuéntrase nes estribaciones de los Picos d'Europa, polo que ye abruptu y delimitáu por dellos valles y picos, como'l Peñamellera, que sirve de finxu pa la dixebra ente dambos conceyos.
Peñamellera Baxa
Esti conceyu ta formáu polos valles más orientales del territoriu hestóricu de Peñamellera.
Cuenta con una superficie de 83,85 km² y llenda'l Norte con Llanes y Ribedeva, al Este y al Sur con Cantabria, y al Oeste con Peñamellera Alta. El puntu de másimu altor ye'l Cuetu la Cerralosa, de 1.562 metros.
Cuenta con una superficie de 83,85 km² y llenda'l Norte con Llanes y Ribedeva, al Este y al Sur con Cantabria, y al Oeste con Peñamellera Alta. El puntu de másimu altor ye'l Cuetu la Cerralosa, de 1.562 metros.
Tien un población de 1.326 habitantes (660 homes y 666 muyeres), lo que fai una densidá de población de 16,82 hab/km². La villa capital de Panes ye'l nucleu más habitáu, con 425 persones.
Peñamellera Baxa nun anició inda'l procesu d'oficialización de la toponimia tradicional. Los nomes de les parroquies apurríos equí pa El Valle Bah.u son los alcontraos na SADEI (usáos pa los mapes) y en uiquipedia (que quiciabes seyan más adecuaos pal trabayu).
El Valle Bah.u tien nueve parroquies:
NOME SADEI
|
NOME UIQUIPEDIA
|
SUPERFICIE
|
POBLACIÓN
|
Abándames
|
Abándames
|
7,00
|
158
|
Alevia
|
Alevia
|
7,06
|
60
|
Buelles
|
Buelles
|
4,07
|
104
|
Cuñaba
|
Cuñaba
|
16,15
|
45
|
Merodio
|
Merodiu
|
15,74
|
100
|
Narganes
|
-
|
5,70
|
58
|
Panes
|
Panes
|
15,33
|
562
|
Sieh.o
|
Sieh.u
|
2,41
|
104
|
Tobes
|
Tobes
|
10,39
|
135
|
Narganes ye una parroquia que nun apaez nel mapa de 1981 espublizáu en División parroquial de Asturias, pero que sí recueye la SADEI como datu apurríu pol INE pal añu 2010. Apaecería como dixebráu de la parroquia de Buelles, anque nun pudiéremos atopar l'añu d'esi cambiu. Pola so parte, nin la Uiquipedia nin la páxina dixital del Ayuntamientu de Peñamellera Baxa contemplen Narganes como parroquia, nun nomándola la primera y nun esplicitándola, la segunda.
Peñamellera Alta
Esti conceyu atópase al Oeste del picu Peñamellera, llendando al Norte con LLanes, al Este con
Pañamellera Baxa, al Sur con Cantabria y al Oeste con Cabrales. Tien una superficie de 92,19 km² y el puntu de mayor altor alcuéntrase nel Picu H.aláu, de 1.425 metros.
Pañamellera Baxa, al Sur con Cantabria y al Oeste con Cabrales. Tien una superficie de 92,19 km² y el puntu de mayor altor alcuéntrase nel Picu H.aláu, de 1.425 metros.
Viven ellí 607 persones (307 homes y 300 muyeres), con una densidá de 6,97 hab/km². El nucleu más pobláu ye'l llugar d'Alles, capital del conceyu, con 184 habitantes.
El Valle Altu tampoco nun anició inda'l procesu d'oficialización de la toponimia tradicional. Los nomes de les parroquies apurríos equí pa Peñamellera Alta son los alcontraos na SADEI (usáos pa los mapes) y en uiquipedia (que quiciabes seyan más adecuaos pal trabayu).
Peñamellera Alta tien ocho parroquies:
NOME SADEI
|
NOME UIQUIPEDIA
|
SUPERFICIE
|
POBLACIÓN
|
Alles
|
Alles
|
19,41
|
184
|
Cáraves
|
Cáraves
|
7,84
|
21
|
Llonín
|
Llonín
|
6,54
|
72
|
Mier
|
Mier
|
15,89
|
75
|
Oceñu
|
Oceñu
|
18,69
|
51
|
Rozagás
|
Rozagás
|
10,86
|
38
|
Ruenes
|
Ruenes
|
10,95
|
119
|
Trescares
|
Trescares
|
1,92
|
47
|
Este comentario ha sido eliminado por el autor.
ResponderEliminarL'oxetivu d'esti blogue ye apurrir un atles parroquial d'Asturies, colos nomes tradicionales asturianos de les mesmes, pa que puean ser utilizaos por quienes-yos pruya.
ResponderEliminarComo s'especifica na Xustificación, "apurriremos los nomes tradicionales asturianos de les parroquies pa definiles". Los nomes utilizaos equí sofítense nos decretos del gobiernu'l Principáu, espublizaos nel BOPA, previu dictamen de la Xunta Asesora de la Toponimia del Principáu d'Asturies.
Pa aquellos conceyos que tovía nun entamaron (Como'l Valle Bah.u) o nun acabaron (como'l Valle Altu) el procesu de denominación oficial nes formes tradicionales, esti blogue usa delles fontes. Pero, a la hora de la creyación de los mapes, como s'especifica n'esta entrada pa les Peñamelleres), los topónimos utilizaos son los apurríos pola Sociedad Asturiana de Estudios Económicos e Industriales (SADEI) nel so nomenclator de poblaciones asturianes, que tien como fonte, a la so vez, los datos oficiales del Instituto Nacional de Estadística (INE).
Dambes instituciones tienen calter oficial y la so llingua vehicular ye l'español. A elles, entós, y non a esti blogue, nin a los "asturiano parlantes" ha de denuncia-yos usté l'intentu de "imponer su idioma" pa camudar los nomes de les parroquies.
Nun pueo responder por qué s'escribe "Merodio" y non "Merodiu" y "Oceñu" y non "Oceño". Por contra, sí por qué Sieh.o nun s'escribe "una J como una catedral": la variante oriental del asturianu (si quier, podemos nomalo montañés, por qué non) pronuncia haches aspiraes, malpenes nunca'l fonema castellán /x/. Esta particularidá pue visibilizase col dígrafu "h.", como recueye l'asturianu normativu, o perdese embaxo d'una imprecisa "j", como sucede nuna forma castellana que sí camuda'l nome tradicional de la parroquia, imponiendo una estraña pal sitiu.
Finalmente, gracies por emponderar esti trabayu al observar que 14 de los 17 nomes apurríos equí coinciden cola so visión personal.
Un saludu y gracies pola so aportación.