con Ribedeva, al Sur con Onís, Cabrales, Peñamellera Alta y Peñamellera Baxa, y al Oeste con Ribeseya y Cangues. Cuenta con una superficie de 263,59 km² de territoriu calizu, salpicáu de cueves y llombes, postrimeries de los Picos d'Europa que tien averaos pol Sur. El so másimu altor correspuende al picu La Peña Blanca, de 1.179 metros. Tien una población de 13.950 persones (6.789 homes y 7.161 muyeres) y una densidá de 52,92 hab/km². El nucleu más pobláu ye la villa capital de Llanes, na parroquia del mesmu nome, con 4.620 habitantes.
Llanes foi conceyu de realengu dende la dómina d'Alfonsu X, que-y concede un fueru nuevu a la villa yá establecía pola carta puebla del rei Alfonsu IX en 1225, como Pola d'Aguilar, menos cuando tuvo en manes d'Alfonsu Enríquez (sieglu XIV) y de Diego Fernández de Quiñónez (dómina del XV).
Pol Decretu 32/2005 de 21 d'abril, espublizáu nel númberu 103 del BOPA del vienres 6 de mayu de 2005, los topónimos tradicionales asturianos pasen a ser los oficiales pal conceyu, siendo'l terceru en algamalo. Les formes apurríes nel ANEXU 1 al mesmu, van ser correxíes na Rectificación asoleyada nel BOPA númberu 135 del llunes 13 de xunu del mesmu añu.
Llanes tien 28 parroquies:
| NOME | SUPERFICIE | POBLACIÓN |
| Andrín | 5,45 | 155 |
| Ardisana | 25,61 | 341 |
| Barru | 9,42 | 442 |
| La Borbolla | 10,53 | 165 |
| Caldueñu | 17,40 | 218 |
| Los Caleyos | 2,94 | 72 |
| Carranzo | 1,93 | 147 |
| Los Carriles | 3,44 | 100 |
| Celoriu | 8,90 | 406 |
| Cue | 1,84 | 276 |
| H.ontoria | 5,77 | 386 |
| Llanes | 12,04 | 5.358 |
| La Malatería | 1,32 | 53 |
| Meré | 5,77 | 135 |
| Naves | 6,99 | 177 |
| Nueva | 27,13 | 736 |
| Parres | 19,74 | 396 |
| Pendueles | 7,99 | 244 |
| Po | 4,05 | 394 |
| Porrúa | 8,70 | 396 |
| Posada | 16,40 | 1.697 |
| Pría | 10,83 | 454 |
| Purón | 11,84 | 38 |
| Rales | 2,63 | 78 |
| San Roque | 4,06 | 370 |
| Tresgrandas | 3,04 | 62 |
| Vibañu | 9,91 | 371 |
| Vidiago | 17,92 | 283 |
En División Parroquial de Asturias apaez, tanto nel mapa xeneral como nel del conceyu Llanes, una división correspondiente a lo que se noma como "Comunero de Barro, Celorio, Poo y Porrúa". El Nomenclátor de la SADEI yá nun recueye pal añu 2001 tal espaciu, que reparte ente les parroquies de Celoriu, Porrúa y Posada.
No hay comentarios:
Publicar un comentario