Casu ye un conceyu del Sur d'Asturies, d'una superficie de 307,94 km², mui montañosa, por
alcontrase en plena Cordillera Cantábrica y col altor másimu nel Picu La Rapaína, de 2.022 metros. Llenda al Norte con Piloña, al Este con Ponga, al Sur con Lleón y al Oeste con Ayer y Sobrescobiu.
Viven nel conceyu 1.848 persones (1.019 paisanos y 829 muyeres), lo que fai una densidá de población de 5,97 hab/km². El nucleu de población más destacáu ye la villa capital d'El Campu, onde la parroquia homónima, con 166 habitantes.
Pesie a que yá hai menciones pal sieglu VI de una realidá espacial qu'agrupaba dellos nucleos de población y nomada Casu, hai una época escura que va del períodu de la monarquía asturiana hasta'l sieglu XII, cuando apaez un documentu, archiváu na catedral d'Uviéu, que fala d'una donación a les ilesies de Santa María y Santa Marina de Casu. Mientres la Edá Media, el territoriu pasa de mano en mano mediante les donaciones reales hasta que, nel sieglu XIV, la Corona de Castiya les dona al obispáu d'Uviéu dempués de la derrota d'Alfonso Enriquez. Hasta'l sieglu XIX, l'actividá municipal del conceyu dedicarase solo a la regulación del aprovechamientu de los pastos comunales.
Pol Decretu 52/2007, del 17 de mayu, asoleyáu nel BOPA númberu 129, del 4 de xunu, los topónimos tradicionales del conceyu son los oficiales pal mesmu, siendo les formes aprobaes les espublizaes nel ANEXU 1 al decretu.
Casu tien 10 parroquies:
| NOMES | SUPERFICIE | POBLACIÓN |
| Bueres | 27,17 | 162 |
| Caliao | 49,97 | 161 |
| El Campu | 13,22 | 387 |
| Coballes | 8,65 | 113 |
| La Felguerina | 11,80 | 107 |
| Orllé | 33,08 | 134 |
| Sobrecastiellu | 89,05 | 416 |
| Tañes | 23,10 | 213 |
| Tarna | 31,03 | 87 |
| El Tozu | 20,87 | 68 |
No hay comentarios:
Publicar un comentario