Ayande y Lugo, al Este con Cangas del Narcea y Degaña, al Sur con Lleón y al Este con Lugo. Tien una superficie de 333,30 km² montañosa, más abrupta al Sur y con cumales aplanaos al Norte, y atravesáu d'Oeste a Este pol ríu Ibias. El so másimu altor alcuéntrase nel monte d'As Penas Rogueiras, de 1.961 metros. La población d'Ibias llega a los 1.968 habitantes (914 homes y 784 muyeres), con una densidá de 4,98 hab/km². La capital, la villa de Santantolín, con 338 habitantes, ye'l noyu más habitáu del conceyu.
El primer documentu onde se cita'l nome del conceyu ye la fundación del monasteriu de Sancti Antonini, pero la voz Ibi y Ibia acolúmbrase como englobadora del territoriu pa los sieglos XI-XIII. D'importancia va ser el litixu ente la Casa d'Ibias, que caltenía'l señoríu del tarrén, escontra les xentes del sitiu, que pretendíen qu'aquelles tierres pertenecíen al Príncipe d'Asturies, pero la Cancillería Real falló a favor de los nobles, fundándose entós los mayorazgos d'Ibias y de Ron (les dos families más importantes), con una xurisdicción propia ya independiente. Pal sieglu XVII, la presión del pueblu llanu escontra los señores de Ron son tan fuertes polos abusos, que'l rei unvía un visitador, que recomienda la confiscación de munchos cotos, pero les apelaciones de los titulares conseguiría que recuperaren la mayor parte. Nun va ser hasta l'añu 1744 cuando'l pueblu d'Ibias algame la independicia pa formar conceyu. En 1827, munchos cotos qu'inda yeren de xurisdicción señorial pasen a formar parte del conceyu y dende 1863, añu en que se dixebra l'actual conceyu de Degaña, Ibias nun camudará más de llendes.
Ibias nun dispón tovía d'estudiu defenitivu de la toponimia tradicional eonaviega aprobada pola Xunta Asesora de la Toponimia, polo que inda son oficiales los nomes casteyanos impuestos.
El conceyu tien un total d'once parroquies:
| NOMES | SUPERFICIE | POBLACIÓN |
| Cecos | 41,10 | 213 |
| Os Coutos | 9,47 | 81 |
| A Estierna | 11,68 | 33 |
| Marentes | 15,00 | 63 |
| Piliceira | 18,54 | 8 |
| San Cremente | 42,51 | 104 |
| Santantolín | 22,05 | 468 |
| Sena | 32,13 | 77 |
| Seroiro | 67,19 | 152 |
| Taladriz | 37,18 | 68 |
| Tormaleo | 36,45 | 431 |
No hay comentarios:
Publicar un comentario