Escomienzo pol mapa parroquial del mío conceyu: Xixón. Ye un criteriu afeutivu pero tamién de meyor conocencia de la so toponimia, pa escomenzar con buen pie.
Ta asitiáu na costa central del país, a la fastera oriental del cabu Peñes. Llinda con Villaviciosa al Este; con Sariegu, Siero y Llanera, pol Sur; con Carreño pol Oeste; y col mar Cantábricu pol Norte. Tien una superficie de 181,60 km². El so puntu más altu ye La Peña los Cuatro Xueces, con un altor de 662 metros.Cuenta con una población de 277.198 habitanes (131.217 homes y 145.981 muyeres), lo que fai una densidá de 1.526,42 hab/km². Esto ye'l 25'56% de la población asturiana. El so núcleu de población más habitáu ye la villa de Xixón (parroquia urbana) con 263.457 habitantes. [Datos del SADEI a 2010]
La oficialización de la toponimia tradicional asturiana en el conceyu quedó establecida col decretu del Gobiernu del Principáu 105/2006 del 20 de setiembre, espublizáu pola Conseyería de Cultura, Comunicación Social y Turismu nel BOPA númberu 229 del martes 3 d'ochobre d'esi añu y coles postreres correiciones del 3 de payares, qu'apaecieron nel BOPA númberu 263 del martes 14 de payares.
Anguaño establécense 23 parroquies, una urbana (Xixón) y 22 rurales.
Anguaño establécense 23 parroquies, una urbana (Xixón) y 22 rurales.
Esto vien de la espansión de la ciudá nes últimes décades, que provocó una uniformidá nel caseríu que tragara parroquies antaño diferenciaes como Xove y Tremañes, pol Oeste, Roces y Ciares, pol Sur y Somió, pol Este. La villa de Xixón taba dixebrada enantes del decretu d'oficialización de la toponimia tradicional del conceyu en diferentes distritos: Centro, Este (onde s'incluyía Ciares), Oeste, Sur, El Llano y el Periurbano-Rural, onde s'integraben Roces, Somió y Tremañes. Sicasí, faigo referencia a les mesmes por ser parroquies rurales tradicionales, que siguen contando con una nidia identidá diferenciadora y, en dellos casos, con una actividá asociativa y vecinal articulada al rodiu de la parroquia.
| NOME | NOME OFICIAL | SUPERFICIE | HABITANTES |
| L'Abadía Cenero |
| 23,89 | 1.455 |
| Cabueñes |
| 5,90 | 1.300 |
| Caldones |
| 9,59 | 427 |
| Castiello Bernueces |
| 4,80 | 983 |
| Deva |
| 9,69 | 650 |
| Fano |
| 4,50 | 270 |
| Fresno |
| 4,00 | 601 |
| Granda |
| 2,80 | 645 |
| Llavandera |
| 5,50 | 334 |
| Llorio | Leorio/Llorio | 7,20 | 409 |
| La Pedrera | | 5,79 | 757 |
| Porceyo |
| 5,59 | 654 |
| Puao |
| 2,90 | 208 |
| Ruedes |
| 3,60 | 121 |
| Samartín de Güerces |
| 5,29 | 301 |
| San Andrés de los Tacones |
| 7,99 | 184 |
| Santurio |
| 3,40 | 238 |
| Serín |
| 15,10 | 303 |
| Valdornón |
| 7,30 | 197 |
| Vega |
| 4,00 | 3.448 |
| Veriña |
| 1'50 | 319 |
| Xixón | Gijón/Xixón | 41,27 | 263.457 |
No hay comentarios:
Publicar un comentario