Esti blogue vien a cubrir un vacíu esistente na rede virtual asturiana: la inesistencia d'un atlas dixital de parroquies d'Asturies.
El términu parroquia vien del griegu παροικία, paroikía, "cerca la vivienda". Asina, parroquia pue definise como la forma tradicional de división alministrativa del país asturianu, d'ámbitu territorial más pequeñu que'l conceyu.
Hasta mediaos del sieglu XIX, la parroquia foi'l modelu organizativu del territoriu asturianu, nun solo dende un puntu de vista relixosu, tamién dende l'económicu y alministrativu.
Anguaño, gocien d'una personalidá xuridica propia reconocida pol Estatutu d'Autonomía del Principáu d'Asturies, nel so artículu 6.2, que les define como la "forma tradicional de convivencia y asentamientu de la población asturiana" y nel artículu 11, onde se reconocen les competencies autonómiques en materia de Réximen Local. La Xunta Xeneral del Principáu aprobó la Llei 11/1986, de 20 de payares que reconoz les parroquies rurales como entidá alministrativa y desplica les sos competencies, el so réxime orgánicu y funcional y los sos recursos.
Sicasí, esti desendolcamientu llexislativu nun tien como enclín la recuperación de la división tradicional en parroquies del país, si non reconocer xurídicamente aquelles comunidaes tradicionales qu'índa siguen esistiendo de forma efeutiva.
Asina, de les 857 parroquies esistentes n'Asturies, solamente 38 se constituyeron como "parroquies rurales" como desixe la llei del 86.
En 1993, la Direición Rexonal de Relaiciones coles Alministraciones Públiques de la Conseyería d'Interior y Alministraciones Públiques del Principáu d'Asturies publicó División Parroquial de Asturias, fundamentáu nun trabayu de 1981, robráu por Francisco Quirós Linares, catedráticu de Xeografía Humana de la Universidá d'Uviéu, y que consistía nuna serie de mapes parroquiales (ún d'Asturies y 78 de conceyos), n'escala 1:200.000 y 1:50.000.
El trabayu d'esti blogue parte del mapa d'Asturies n'escala 1:200.000 espublizáu en 1993 y qu'anguaño dixitalizamos. Esti escanéu va permitimos dixebrar los diferentes conceyos asturianos pa trabayar coles sos parroquies d'una forma más afayaíza, ufiertando en cada entrada dos nuevos mapes, pal llibre usu de quien-y pruya: ún en blancu y negru y otru coles parroquies diferenciaes en colores.
Por últimu, apurriremos los nomes tradicionales asturianos de les parroquies pa definiles, desaniciando aquellos nomes oficiales que fueren aceutaos tamién en casteyanu. Por embargu, la entrada qu'acompañe a cada pareya de mapes sí especificará los nomes oficiales.
Acompañamos esta primer entrada col mapa d'Asturies espublizáu en División Parroquial de Asturies, 1993.
Hasta mediaos del sieglu XIX, la parroquia foi'l modelu organizativu del territoriu asturianu, nun solo dende un puntu de vista relixosu, tamién dende l'económicu y alministrativu.
Anguaño, gocien d'una personalidá xuridica propia reconocida pol Estatutu d'Autonomía del Principáu d'Asturies, nel so artículu 6.2, que les define como la "forma tradicional de convivencia y asentamientu de la población asturiana" y nel artículu 11, onde se reconocen les competencies autonómiques en materia de Réximen Local. La Xunta Xeneral del Principáu aprobó la Llei 11/1986, de 20 de payares que reconoz les parroquies rurales como entidá alministrativa y desplica les sos competencies, el so réxime orgánicu y funcional y los sos recursos.
Sicasí, esti desendolcamientu llexislativu nun tien como enclín la recuperación de la división tradicional en parroquies del país, si non reconocer xurídicamente aquelles comunidaes tradicionales qu'índa siguen esistiendo de forma efeutiva.
Asina, de les 857 parroquies esistentes n'Asturies, solamente 38 se constituyeron como "parroquies rurales" como desixe la llei del 86.
En 1993, la Direición Rexonal de Relaiciones coles Alministraciones Públiques de la Conseyería d'Interior y Alministraciones Públiques del Principáu d'Asturies publicó División Parroquial de Asturias, fundamentáu nun trabayu de 1981, robráu por Francisco Quirós Linares, catedráticu de Xeografía Humana de la Universidá d'Uviéu, y que consistía nuna serie de mapes parroquiales (ún d'Asturies y 78 de conceyos), n'escala 1:200.000 y 1:50.000.
El trabayu d'esti blogue parte del mapa d'Asturies n'escala 1:200.000 espublizáu en 1993 y qu'anguaño dixitalizamos. Esti escanéu va permitimos dixebrar los diferentes conceyos asturianos pa trabayar coles sos parroquies d'una forma más afayaíza, ufiertando en cada entrada dos nuevos mapes, pal llibre usu de quien-y pruya: ún en blancu y negru y otru coles parroquies diferenciaes en colores.
Por últimu, apurriremos los nomes tradicionales asturianos de les parroquies pa definiles, desaniciando aquellos nomes oficiales que fueren aceutaos tamién en casteyanu. Por embargu, la entrada qu'acompañe a cada pareya de mapes sí especificará los nomes oficiales.
Acompañamos esta primer entrada col mapa d'Asturies espublizáu en División Parroquial de Asturies, 1993.
Mapa parroquial d'Asturies, escala 1:200.000